汽车杂志
|
揾车快线 2016年12月15日
自愿注册计划 多方共赢
[PDF 格式 (3,231KB)]
文字版本 [PDF 格式 (175KB)]
|
日报新闻
|
《东方日报》2016年5月23日
车辆维修服务提升 多方共赢
[PDF 格式 (2.64MB)] 文字版本 [PDF 格式 (167KB)] |
《星岛日报》2016年5月24日
车辆维修工场自愿注册计划推广日
[PDF 格式 (1.19MB)] 文字版本 [PDF 格式 (170KB)] |
有线电视 2016年5月28日至2016年6月5日
(只提供粤语对白 / 旁白) |
影片一
(只提供粤语对白 / 旁白) 旁白:机电工程署举办嘅车辆维修工场自愿注册计划推广日,在日前举行。为隆重其事,由运输及房屋局常任秘书长黎以德先生,及机电工程署署长陈帆先生,主持启动仪式。推广大使张继聪到场鼓励更多工场参与,并向市民介绍计划的专用标志,以识别服务可靠嘅工场。认住注册标志,整车更有保障。 [MP4 格式 (5.75MB)] 文字剧本 [PDF 格式 (64KB)]
影片二
(只提供粤语对白 / 旁白) 主持李丽珊: 黄生你好呀!我知道你哋嘅车房参加咗车辆维修工场自愿注册计划喎! 注册车房东主 黄家伦先生: 系呀,冇错呀!申请过程都好简单! 主持李丽珊: 申请咗之后对生意有乜嘢帮助呢? 注册车房东主 黄家伦先生: 对生意又系有帮助架!好似前排咁啦,有几个新嘅客人都系因为见到我哋门口贴咗呢个注册计划嘅标志,而入嚟帮衬我哋! 主持李丽珊: 会唔会鼓励啲同业一齐去注册呀? 注册车房东主 黄家伦先生: 呢个一定会啦!因为我相信呢个注册计划可以帮助到我哋嘅业界提升服务质素。 [MP4 格式 (5.80MB)] 文字剧本 [PDF 格式 (66KB)]
|
影片三
(只提供粤语对白 / 旁白) 旁白:机电工程署举办嘅车辆维修工场自愿注册计划推广日,运输及房屋局常任秘书长黎以德先生,及机电工程署署长陈帆先生,出席主持启动仪式。推广大使张继聪到场支持。当日有不少业界及市民参与。推出车辆维修工场自愿注册计划,目的系提升车辆维修业嘅服务水平,及方便市民识别服务可靠嘅车房。 [MP4 格式 (5.80MB)] 文字剧本 [PDF 格式 (60KB)]
影片四
(只提供粤语对白 / 旁白) (车辆维修技工登记、活动场地) 大会司仪急急子: 得到嚟自运输及房屋局嘅常任秘书长(运输)黎以德太平绅士,做我哋嘅主礼嘉宾!亦都好感谢各位车辆维修业嘅机构,派出咁多代表、咁多猛男同埋靓仔,出席我哋今日呢一个推广仪式。今日呢个推广日,好希望大家可以多多认识呢个车辆工场注册计划! 运输及房屋局嘅常任秘书长(运输) 黎以德太平绅士: 妥善维修及保养车辆,能够有效减少意外嘅发生,提高道路安全,同埋减少空气污染……成立咗汽车维修服务工作小组,探讨点样规管车辆维修业,同埋提高佢嘅服务水平。政府同埋业界,都认为应该系以一个按部就班嘅方式,推行自愿注册计划。署方喺一三年进一步推出工场约章计划,鼓励车辆维修工场共同参与。为咗进一步提升车辆维修业嘅服务水平、专业形象,同埋竞争力,机电工程署喺旧年嘅七月推出咗车辆维修工场自愿注册计划。新嘅计划推出,到今日,已经有差唔多一千间工场获批同注册。 大会司仪急急子: 三!二!一!Start the engine! (现场观众拍手) 推广大使张继聪: 好开心今日喺度,同大家推广呢个计划。好荣幸能够得到机电署邀请我成为呢个大使。我同大家一样,都系有宝贝车啦!有啲人讲架车系第二个老婆吖嘛……上机电署个网页,就可以揾到我哋已经有千几间车房注咗册,一定可以揾到。好多好处,所以希望大家可以多多支持呢一个计划嘞! 大会司仪急急子: 非常之好嘅推广大使呀!大家畀啲掌声张继聪。 推广大使张继聪: Thank you。 推广大使张继聪: 黄生可以话系颠复咗传统呀!对呢个车房老板嘅一个形象……你睇吓佢青年才俊咁样啦! 大会司仪急急子: 好靓仔后生喎! 推广大使张继聪: 又好靓仔啦!韩星咁样啦!咁呀黄生,你几时知道我哋有呢一个注册计划呢? 注册车房东主 黄家伦先生: 当时都有考虑过想申请嘅,但系比较忙啦,直至到嗰一年之后,成日畀一个人洗脑,就系你啦! 推广大使张继聪: 系? 注册车房东主 黄家伦先生: 见到你个广告,不停喺度讲呢样嘢…… 推广大使张继聪: 整车冇难度。 注册车房东主 黄家伦先生: 系啦!加上喺两个月前,机电署嘅大使就过咗嚟我哋嘅车房,又介绍咗呢个计划畀我哋,咁我就决定申请呢个注册。 推广大使张继聪: 多谢你嘅支持先啦!咁我谂好多车房嘅老板,或者好多朋友,都会觉得,最怕系咩呀?最怕系麻烦。咁我想问,成个注册过程会唔会好困难、好多手续呀? 注册车房东主 黄家伦先生: 其实就冇乜困难嘅。其实最主要首先就系预约咗佢哋嘅大使过嚟我哋车房先,咁跟住佢哋都会讲吓个申请流程,有啲咩嘢需要,同埋注册需要。跟住佢又协助我哋填返啲form,同埋交返啲所需嘅文件,畀返佢哋大使,咁就OK架啦! 推广大使张继聪: 咁好方便喎!大家如果想加入呢个计划,就唔使担心啦!即系原来好容易就搞掂咗啦!好,唔该晒黄生。注册咗之后呢,生意有冇好咗?呢个最紧要呀。 注册车房东主 黄家伦先生: 其实以往不嬲都系做开啲熟客多,生客就有时比较少啲啦!但系喺近排啦,有几个新客都系因为见到我哋贴咗呢个注册车辆维修工场嘅注册计划嘅嗰张证书,咁入嚟帮衬我哋。 推广大使张继聪: 识货吖嘛!咁就更加好啦,有旧客又有新客。好啦,我哋多谢黄生嘅支持。咁同时我哋都要同华姐倾倾啦!华姐又再一次颠复大家对车辆维修技工嘅背后形象。会唔会有士巴拿跌出嚟架? 车辆维修技工华姐: (笑) 推广大使张继聪: 华姐系整车嘅技工嚟架喎!好犀利架喎!你从事咗几耐呀呢行? 车辆维修技工华姐: 而家总共都有十三年啦。 推广大使张继聪: 咁耐呀,俾啲掌声。真系犀利。可能在座啲朋友嘅宝贝车都系华姐整嘅。好嘞,点解你会自愿加入我哋呢个计划,成为注册维修技工呢? 车辆维修技工华姐: 因为注册咗对自己嘅经验、资历系一种嘅认可囉!真系得到一个好大嘅认同囉! 推广大使张继聪: 唔!咁就当然啦!以前冇一个注册嘅认可,咁就差啲,但而家话晒系有张沙纸。即系有个认同。咁做咗注册技工之后,有冇啲乜嘢好处呀?或者会唔会介绍朋友,可能你啲同行,都会呼籲吓佢哋去参加。 车辆维修技工华姐: 有架,我认识嗰啲技工、同事、旧同事,全部都注册晒、申请晒啦! 推广大使张继聪: 即系全部都攞晒认可资格? 车辆维修技工华姐: 系。 推广大使张继聪: 如果你有朋友,你都会鼓励佢哋参加? 车辆维修技工华姐: 会架! 推广大使张继聪: 唔,非常之好呀!我哋有冇嘢补充呀? 大会司仪急急子: 非常之好呀!你哋每个人都介绍得好好!两位亦都系好似令大家有耳目一新嘅感觉,我哋车房嘅老板可以好靓仔,韩星咁样嘅,然后做技工亦都系靓女嚟嘅。 推广大使张继聪: 直情系靓女啦!犀利呀!俾啲掌声两位好冇呀?Thank you!今日我嘅任务当然系推广啦!总括嚟讲,两句嘅说话,认住注册标志,整车更有保障。希望大家可以支持我哋呢个计划,Thank you! 大会司仪急急子: 大家一齐认住呢个标志啦!就系认住注册标志,整车更有保障。我哋一齐yeah好冇呀?畀个Like嘅手,Like嘅手指! 全场: Yeah! (活动花絮──替车辆维修技工登记、拍照摊位、黄先生及华姐合照。) [MP4 格式 (139MB)] 文字剧本 [PDF 格式 (164KB)]
影片五
(只提供粤语对白 / 旁白) 李丽珊主持:阿华你好呀! 点解会参加技工注册计划呢? 周凤华小姐(注册技工):注册技工代表我整车资历同经验都会得到确认,我梗系一早参加啦! 李丽珊主持:咁车房注册咗对你有冇帮助啊? 周凤华小姐(注册技工):好大嘅帮助。 车房同埋技工一齐注册,可以提升车辆维修行业既服务质素啦! 顾客都会觉得喺注册车房整车可靠啲囉! 李丽珊主持:咁会唔会叫啲老友一齐去申请注册呢? 周凤华小姐(注册技工):有呀! 我识得嘅技工全部都注册晒架啦! [MP4 格式 (5.84MB)] 文字剧本 [PDF 格式 (55KB)]
|
雷霆881商业一台 2016年5月25日至2016年5月28日
(只提供粤语对白 / 旁白) |
访问宣传大使张继聪先生
[MP3 格式 (908KB)] 文字剧本 [PDF 格式 (62KB)] |
访问注册车辆维修工场东主黄先生
[MP3 格式 (903KB)] 文字剧本 [PDF 格式 (67KB)] |
访问注册车辆维修技工华姐
[MP3 格式 (969KB)] 文字剧本 [PDF 格式 (65KB)] |